2008–يىللىق ئوقۇغۇچى قوبۇل قىلىش خىزمەت يىغىنى 25–يانۋار ئۈرۈمچى كوئىنلۇن مېھمانخانىسىدا ئۆتكۈزۈلدى. ئاپتونوم رايوننىڭ مۇئاۋىن رەئىسى، ئاپتونوم رايونلۇق ئوقۇغۇچى قوبۇل قىلىش كومىتېتىنىڭ مۇدىرى جىن نو يىغىنغا قاتناشتى ۋە سۆز قىلدى. يىغىندا 2008–يىللىق ئالىي مەكتەپ ئىمتىھانىغا قاتنىشىدىغان ئوقۇغۇچىلارنى مائارىپ مىنىستىرلىكىنىڭ ماسلاشتۇرۇشىغا تايىنىش ۋە تۈرلۈك تەدبىرلەر ئارقىلىق ئىچكىرى ئۆلكىلەردىكى ئالىي مەكتەپلەرگە تونۇشتۇرۇش، ئىچكىرىدىكى ئالىي مەكتەپلەرگە قوبۇل قىلىندىغان ئوقۇغۇچىلار سانىنى كەڭ كۆلەمدە كۆپەيتىش پىلانى ئوتتۇرىغا قويۇلدى.
ئاپتونوم رايوننىڭ مۇئاۋىن رەئىسى، ئاپتونوم رايونلۇق ئوقۇغۇچى قوبۇل قىلىش كومىتېتىنىڭ مۇدىرى جىن نو مۇنداق دېدى: مۆلچەرلىنىشچە 2008-يىلى ئادەتتىكى ئالىي مەكتەپ ئىمتىھانىغا قاتنىشىدىغان ئوقۇغۇچى170 مىڭ ئەتراپىدا، يۇقىرىلاپ ئوقۇش نىسبىتى يەنىلا يۇقىرى.
بىز دۆلەتنىڭ بۇلتۇردىن باشلاپ ئوتتۇرىغا قويغان ئوقۇغۇچى قوبۇل قىلىش سانىنى كۆپەيتىش پىلانىنى پۇرسەت دەپ بىلىپ، تۈرلۈك سۆھبەت يىغىنى، كۆڭۈل ئېچىش يىغىنى ئىچىشتەك تەدبىرلەرنى قوللىنىپ، مائارىپ مىنىستىرلىكى ۋە ئىچكىرى ئۆلكىلەردىكى ئالىي مەكتەپلەرگە ئاپتونوم رايونىمىزنىڭ ئالاھىدە رايون بولۇشتەك ئەھۋالىنى تېخىمۇ تولۇق چۈشەندۈرۈپ، ‹‹ئىچكىرىدىكى ئالىي مەكتەپلەر شىنجاڭنى قوللاش ھەمكارلىق پىلانى›› بويىچە ھەر يىلى2000نى ئارتۇق قوبۇل قىلىش پىلانىنى بىر قاتلاپ ئورۇنداپ، تەبىئىي پەن بويىچە قوبۇل قىلىش نىسبىتىنى مۇۋاپىق كۆپەيتىپ، يىڭىدىن قوشۇلغان ھەمكارلىق پىلانىدىكى خەنزۇچە ئىمتىھان بېرىدىغان مىللىي ئوقۇغۇچىلار ۋە ‹‹قوش تىل›› سىنىپىدىكى ئوقۇغۇچىلارنى ئىچكىرى ئۆلكىلەردىكى ئالىي مەكتەپلەرگە قوبۇل قىلىشنى ئۈزلۈكسىز كېڭەيتىپ، 2007–يىلىدا ئوتتۇرىغا قويۇلغان 30مىڭ ئوقۇغۇچىنى ئىچكىرى ئۆلكىلەردىكى ئالىي مەكتەپكە قوبۇل قىلغۇزۇش پىلانىنى 2008–يىلدا بىر قاتلاپ ئورۇنداپ، ئىختىساسلىقلار كەمچىل بولغان كەسىپلەرگە قوبۇل قىلىشنى كېڭەيتىشىمىز كېرەك. يىغىن ئاخىرىدا 2006–2007–يىللىق ئوقۇغۇچى قوبۇل قىلىش خىزمىتى خۇلاسىلەندى، قەشقەر ۋىلايەتلىك ئوقۇغۇچى قوبۇل قىلىش ئىشخانىسى قاتارلىق45ئورۇن ۋە 112شەخس تەقدىرلەندى.
مۇھەررىر : لالە
